ٹھارو شاہ میں راجپوت ڈےو یکجہتی کشمیر کے حوالے سےتقریب کا انعقاد

ٹھاروشاہ (رانا اشرف سے )یکم جنوری راجپوت ڈے و یکجہتی کشمیر منایا گیا تفصیلات کے مطابق راجپوت نظریاتی سنگت کے زیر، احتمام ٹھاروشاہ علی رضا شادی حال میں رانا عبدالجبار اور رانا اشرف راجپوت کی قیادت میں یکم جنوری راجپوت ڈے اور یکجہتی کشمیر کے حوالے سے تقریب منعقد کی گئی جس میں سابقہ نائب ناظم رانا حیات راجپوت، سرفراز راجپوت، بابو اسلم خانزادہ راجپوت، فہد خانزادہ راجپوت، سلیم سہتو راجپوت سمیت راجپوت برادری کے افراد نے شرکت کی جبکہ اس موقع پر کیک کاٹا گیا جبکہ اس موقع پر رانا اشرف راجپوت اور رانا عبدالجبار راجپوت نے خطاب کے دوران کہا کہ آج یکم جنوری راجپوت ڈے کو ہم مظلوم کشمیریوں کے نام کرتے ہیں اور اس موقع پر کہنا چاہتے ہیں کہ کشمیری مسلمان تنہا نہیں ہیں پوری راجپوت قوم ان کے ساتھ ہے حکومت وقت ہوش کے ناخون لے آج مسلسل پانچ مہینے گزرنے کو ہیں دنیا کا سب سے بڑا کرفیو بھارتی مودی حکومت نے نہتے کشمیریوں پر جبری مسلط کیا ہوا ہے مگر ہماری حکومت جھوٹے دعوے کررہی ہے اور کوئی عملی جدو جہد نہیں کررہی ہے جس کی بھرپور مذمت کرتے ہیں جبکہ مزید کہا کہ راجپوت قوم کے اتحاد اور محب بھائی چارے کے لئے راجپوت نظریاتی سنگت نوجوانوں کے ساتھ عملی میدان میں ہیں اور راجپوت قوم کے فلاح و بہبود ترقی کا کام منظم انداز سے جاری ہے اور راجپوت قوم کی اس ملک کے لئے دی جانے والی قربانیوں کو تاریخ کبھی نہیں بھلا سکتی ہے آج کے دن ہم تجدید، عہد کرتے ہیں کہ پاکستان کے تحفظ کے لئے کسی قربانی سے دریغ نہیں کیا جائے گا